المشاركات
وحياتى عندك يا عيني ما تبكيش
ده أنا إبنى اليوم مات شهيد
صحيح غبت ياضنايا بعيد عن حضنى
وأصبح الدمع فى عينى بيزيد ويزيد
لكن عمرك أبداً عن عينى ماتغيب
وأنفاسك عن روحى ماتروح لبعيد
فاكرة شقاوتك ونظراتك وإبتسامتك
أجمل حلم بشوفه مع كل فجر جديد
وحياتى عندك يا عيني ما تبكيش
ده أنا إبنى اليوم مات شهيد
خطفوك يا ضي العين برصاص الغدر
وربي هينتقملى انتقام شديد
يا أغلى ما ليا دمك ما راحش هدر
دمك ده فدا حرية وطن غالي ومجيد
بيقوليلى يا ام الشهيد طب إزاى
وانت بدمى وبكل شريان ووريد
وحياتى عندك يا عيني ما تبكيش
ده أنا إبنى اليوم مات شهيد
محروق قلبي اوى ومش هخبى عليك
فرحت مصر وأناقلبى حزين وسعيد
هو ده يوم النصر ولا يوم حزين
افرح بحرية ليها ابنى كان شهيد
رحماك ربي لأم من عذابها المكبوت
يا اغلى شهيد ده إنت صاحب العيد
العيد عيدك إنت والفرحة لمصر أكيد
وانا شايفاك فى الجنة وأيامك أيام عيد
الشعب فاز بالحرية والأحلام
ومصر كسبت الأمن والأمان
وإنت فارقتنى للجنة كمان
وانا توهت بفرحة الاحزان
إبنى وحبيبى واغلى منى
بحبك اوى يا شهيد قدام عيني
وبعد رسالتى وفرحتى بابنى الشهيد
هقولك ابكى يا عين وما تبطليش بكاء
ده اللى راح ابنى اغلى شهيد وامتى اللقاء
مع خالص تحياتى .....
ليست هناك تعليقات:
إرسال تعليق