إنزل يا دمع

 

 

إنزل يا دمع
إنزل يا دمع وإجرى
و عبر عن جرحى

الكل ظالم ومتجنى
وانت بالانين بتدمى

انزل يا دمع من بين
رموشى

وما تخلى شئ
يحوشك

الكل يهمه حاله
وليس حالك

و مين هيشعر
والزمن هالك

يا هم إمتلكنى
وثقيل ومتخبي

سيب العين تبكى
وبالدموع تشجى

وياريتها تخفف من
حزنى وهمى وألمى

لكن إزاى والجرح
بالقلب باقي ومستنى

ياجرح خلصت دموعى
وضاقت عليا ضلوعى

سيبلى دمعه يمكن
تنزل يوم سعدى وفرحى

ولا اقولك انزلى
يا دموع على حالى

فالفرح عنى غايب
وبعيد عن أمالى


مع خالص تحياتى ... الصقر المنفرد